imaxin|software presenta o proxecto Carvalho

31/05/2010

A empresa imaxin|software presentará no mes de xuño o proxecto Carvalho.

Carvalho é un tradutor automático estatístico de código aberto e sustentábel entre o inglés e o galego construído a partir de recursos lingüísticos do portugués de Portugal. Esta estratexia innovadora, tamén utilizada polo tradutor de Google, está a ser moi ben valorada nos principais congresos científicos españois e portugueses de lingüística computacional e de corpus como a SEPLN, o CILC ou o ICEIS de Portugal.

Carvalho está encadrado dentro da plataforma de servizos de tradución automática en código aberto Opentrad. Carvalho dispón dunha páxina web (http://carvalho.imaxin.com/) e o tradutor poderá ser probado na web de Opentrad (http://www.opentrad.com/). Este proxecto enmárcase dentro do IN.CI.TE., plan galego de I+D+i 2006-2010 da Xunta de Galicia.